每天最重要的2小時

每天最重要的2小時

其中一本我最愛既投資書～★★★★☆

好鍾意佢一句: 忙得團團轉, 不如做事有技巧 (參透中)

個人認為本書幾好就係可以了解更多自己身體反應, 日常工作等唔同範疇,分享一點得著比大家:

1) 每日不同決定會減低腦力, 包括渣車返工時塞車, 覆email, 打機, 睇戲, 作出日常決定都會消耗, 可能到中午時已經覺得好攰;

2)  每個人都有情緒, 當腦力狀態最好時, 處理最重要的事情, 狀態未夠好時, 拉筋放鬆下, 望下不同既野休息下再集中能有更高效率;

3) 不同情緒能做到不同效果: 開心 (創意), 緊張 (表現更好), 悲傷 (不偏見), 憤怒 (激將法), 焦慮 (警覺性高), 都可以引導到正面效果;

4) 時間管理, 早一晚將事情排序, 第二天更有效率, 攰時深呼吸, 中午小睡, 吹下水笑下, 可放鬆腦部,  減低腦壓;

5) 無法專心, 人天生會偵察事情, 越唔想諗越會諗, 一陣子腦放空有時能提高專注力, 創造一個能減低干擾環境, 燈光, 擺設, 聲音都會影響. 另外靜坐可增強專注力; 

6)碳水化合物, 蛋白質, 脂肪, 飲水, 咖啡, 類飲食會直接影響到專注力。

最出奇係竟然有講到營養學相關資訊, 例如, 200毫克咖啡因能改善注意力, 但400毫克就無咩用、補充足夠水份有助控制情緒、攝取碳水化合物15分鐘後會改善專注力, 但1小時後, 執行力會降低。

如果想知道更詳細就自己睇書吧XD

回望半年

由1月頭開始到今天，時間匆匆已過半年，回顧一下年頭所訂的個人目標。

1) 睇書目標　—　一年希望睇書睇到12本，第9本就快睇完~相信15本應該可以！
2) 工作目標　—　點都好，永遠都抱持希望！雖然面對好多難關，相信沖得過去的，下半年要更努力學習同認真面對好多一直唔面對既野！
3) 儲蓄目標　—　同原先所諗既，還差一段距離，下半年要再部署過先得！
4) 投資目標　—　上半年恆指同期升左17.1%，我組合回報率只有9.8%，只得唔夠六成，好多Blogger都有20-30%回報，真係要認真檢視下組合了！
5) 旅行目標　—　28歲時，曾同自己講過，希望在生小朋友前要去過20個國家，數數手指，原來仲差兩個國家就可以達標了！日後既旅行～更希望同我老婆免費出發！
6) 被動收入　—　以保守數目黎計，只完成左目標年被動收入既1/6，不過年尾有點大改動，期望下年再寫回顧時會係完成左！都係哥句，有資產就有希望！


這半年經歷不少心情高低起跌，學陳山聰一句＂你會有失敗，會有迷失，會跑錯方向既時候＂，令我意識到，我既能力已支撐唔起我既野心了，還是回歸努力學習既起點吧！跟住就要做好多一直怕，一直唔想面對既野了！

＊＊
回顧下自己其實幾好！朋友們～你地都可以花少少時間，回顧一下！


中國，台灣，印尼，英國，法國，德國，意大利，比利時，奧地利，澳洲，泰國，新加玻，馬來西亞，美國，韓國，日本，匈牙利，梵蒂岡。