Steve Jobs 自傳

2017第十五本書

★★★☆☆

睇完呢本書竟然會有種不捨感覺，第一次。

本書放左係度幾年，襯住蘋果發佈會睇晒佢，亦達成今年目標，完成第十五本書。

本書大約有接近800頁，成本字典咁厚，足足花左一個月先睇得晒。

整本自傳有幾樣野相對較影響到我：

1) 創業者必須專注和堅持，因為佢堅持硬件和軟件必須自家制，融合一體，先有現在的iPhone, iPad, iMac，十年後睇番，佢既堅持係正確，亦令蘋果成為全世界最高市值企業。

2) 要讓一件事情變得簡單，要真正了解隱藏其下的挑戰、創造出優雅的解決方案，絕對得下很大的苦功。實踐"簡約是細膩的極致"

3) 從不做市場調查，佢要教育用家需要什麼。常言道創業家應有能力，就好似睇一本書，即使一片空白，但已經能讀出上面既文字。

4) 被蘋果踢出局，自己建立NeXT同Pixar兩間公司<-制作Toy Story的公司，如同救世主一樣拯救Apple，傳奇故事令人律律樂道。

5) 推出iPod和iTunes，拯救音樂市場，曾佔蘋果一半生意額。推出iPhone，改變全世界對電話用法。設立和設計Apple Store，大幅度提升營業額。推出iPad，改變電腦，教育，音樂閱讀習慣。改變世界是蘋果的目標！

6) 目標不是賺錢，是建立長青企業，改變人類社會。之後睇到蘋果開始開班教小朋友寫程式碼，就知道下一代都開始被荼毒了ＸＤ

這個人賤咀，囂張，自大狂和控制控，講明只會建立質素優良團隊，對冗員零容忍，因為要改變世界。

所以相比起產品，更想係了解佢地產品背後故事，你曾知道Apple Store地板同玻璃窗都係特制的嗎？連條梯都有專利，亦都係美國人流量最高零售店，打破電腦舖低人流格局，可見細節決定成敗。