每當睇中咩股, 但無真金白銀落注而導致未能提高回報, 就有D揼心口既感覺, 但其實無蝕錢已經係好事來的。
藥明生物 — 其實只係聽林少陽提及過醫藥股係中國未來發展潛力，想像唔到幾日就單左１０幾個％上去，想留意都未有時間。
868 信義玻璃 — 睇完龔成本書後一直想買，又有穩定派息，但佢真係下跌落去到７。５時我又唔敢買，ＷＴＦ？佢而家已經去到１１。Ｘ了，幹～！
福壽園 01448.HK — 都係睇完龔成本書，都好同意係一個好可行既行業，因為在中國好獨家，好難有競爭對手，而且實力夠強，但因為堅持佢要跌落５蚊而錯失機會，而家６。４了。
復星國際 00656 — 聽左好耐類似巴菲特既公司，分散投資係唔同既公司，真係見番佢時得１１。Ｘ，哥陣又係仆街諗住佢落番１０蚊再入，點知一彈就彈左成倍，去到差不多２０。
友邦保險 01299 — 落到５７時就諗，如果佢去到５５蚊就買，跟住又係無奈就彈左上去６８，又係因為無謂既堅持走失左機會。
閱文集團 00772 — 當有日大跌到７５蚊時，我就諗如果佢落到７０我就入，我本身係睇好閱讀同版權係中國既發展，但可惜又係因為差少少價而走失左機會，而家８８蚊了。
眾安在線 06060 — 中國內地保險股係一直睇好既版塊，但除左平保以外就係呢隻想買，當遇到佢落到６２時就想佢落到６０時買，點知第二日就爆彈上左去７４了。
舜宇光學科技 02382 — 呢件雖然想買，但無買到又無乜緊要，等佢落到去９２時就好想佢落到９０時入一手，８０時再一手，點知，又係因整數位無入，佢就彈番上１０９了。
川河集團 00281 — 掛左幾日機，０。５２！掛左幾日都卡左係０。５３度無落去，無計了，又彈左上去０。５３。
騰訊控股 00700 — 膽粗粗咁亂黎入左一注３９１。５，點知真係明燈，一買佢就插水，插到３６６，哥陣真係有一心想３７０就入多２手，點知又係因為膽細，無入，諗住會再插，可惜，好快上番４００，而家４３６了。。。。
海螺水泥 00914 — 老早之前有買過佢，但一買就插左下水再上番黎，之後見佢由２Ｘ插到去１３定１４蚊，超平， 一直留意想入，但又唔知佢乜事狂插水，點知再望時，佢今日已經去到４２。。。。。ＷＴＦ？！升左３倍。。。。
記錄日期：２０１８年１月８日
沒有留言:
張貼留言