30/7 - 3/8 華欣之旅

旅行是唯一讓你花了錢，卻變得更富有的事物

是次華欣之旅傾向係HEA遊~~慢活已成為另一種旅行既態度, 而不是跑行程, 整個旅程, 有足夠時間比我睇晒兩本書~太棒了~

分享小小的旅遊經歷

1) 心目中一直認為泰國得曼谷玩, 原來華欣都幾岩去HEA的, 我老婆訂哥間渡假屋為旅程生色不少, 有3間房, 3個廁所, 私人泳池 同花園, 一個字: 正!

2) 第一次見識到買零食係可以買到巨型雪櫃同大枱都放滿晒~對於我呢個好少食零食既人黎講又情何以堪呢~

3) 如果係榴槤既愛好者一定要去泰國, 識玩一定每日都買一個返去食! 但個人認為迫唔食既人食仲好玩!

4) 係華欣完全唔岩行商場, 因為兩間商場都平平無奇, 不如去做下SPA好過~價錢仲平過拱北!

5) 仲有新奇體驗, 由曼谷機場去華欣3個鐘車, 回程就5個鐘飛車先叫趕到!  第一次只提早37分鐘去到機場, 好彩Airasia位靚仔幫手, 我地先唔洗人GIP分離, 感恩萬分!

6) 華欣交通主要搭的的車為主, 同埋記得講價~否則開天殺價。

7) 最後就係去旅行最緊要同一班好易話為既朋友去, 今次同我老婆既多年老友們去~感覺好好!

總括而言, 整個旅程都相當抵玩, 換左兩千去5日4夜, 返黎仲有六舊水淨低 (不包括機票酒店訂車) , 消費指數係平。 喜歡休閑既朋友, 可以多個地方選擇嚕~